Parichay

Parichay bataun kya tumhe ye dost kuchh pal ke liye,

ho aaj tum jis mod per uss mod per tha kal koi,

rah gayi kuchh chand yaden nam bhi aab yaad nahi

thi tab bhi akeli rah meri hoon aaj bhi tanha pathik

ho jigyasa janane ki to khud ko hi tum jaan lo,

hai sab tumhare jaise hi yahan bas tum yahi pehchaan lo

Tu

Tu kuchh iss tarah se mare jindgi me aayi hai,
Nayi umang nayi chaht leke aayi hai.
Aisa nahi ki jakhm humne nahi khaye hain
Per tu her jakhm ki marhum banke aayi hai,
Tere bina bhi jindgi aab tak jee raha tha mai
Shayad bina manjil ka bhtak raha tha mai,
Shayad tu meri jindgi me manjil banke aayi hai

Mai kaun hoon tera

Kaise kahoon ki main kaun hoon tera?

Teri ankahi Baat hoon
Teri ansuni aawaj hoon
Tere labo ki adhuri pyas hoon.

Kaise kahoon ki mai kaun hoon tera?

Teri hi parchhayin hoon mai
Teri aankho ki tanhai hoon
Teri sanso ki khushbu hoon

kaise kahoon ki mai kaun hoon tera?

Mai Pathik

Aaj ho tum jahan kal tha mai bhi waha…

Tum ho wahin mai pathik chalta raha….

abhi bhi kuchh dur hai manjil mujhhse

khush hoon iss bat pe ki aab kuchh hi door hoon

mai pathik hoon path pe chalta rahta hoon

har mod ko apni manjil samjh kar uski aour badhta hoon.

Jindagi

Ye Jindagi Ki Rahen,
Kahin Sidhi to kahin tedi rahen,
Kya Apne hain aur kya paraye,
Jindagi ke sath hi sab sath chhor deten hain,
Ye khushi aur ye gum ki baten,
Jindagi ke pyare se hain ye do kinare,
Kabhi iss kinare to kabhi uss kinare,
Ek kinare pe pyar milta hai,
Dusare Kinare pe pyar ki parakh hoti hai.
Ye Jindagi ki rahen,

wo kaun hai

Mai ye kaise bataun wo kaun hai?
Jo kabhi apno se jyada to kabhi gairo se bhi kam hai.
Jo kabhi dushman hai mera to kabhi dost se bhi badkar hai.
Mai ye kaise bataun wo kaun hai mera?
Jo pyar bhi karta hai, takrar bhi karta hai.
Jo Hasake rulade aise kam bhi karta hai.
Mai kaise bataun wo kaun hai mera?

meri awargi

MERI AWARGI AUR UNKA INTEJAR,
WO TO DARD DENE PER BHI KARTEN HAI MUJHASE PYAR,
UNKI DIWANGI ISS KADAR HO GAYI MUJHSE,
AAB TO MUJHKO DEKHTEN HAIN AAINE ME KHUD KO,
KHUD KO BHUL KAR BHI BHULA NA PAYE WO MUJHE,
AAB TO MERE NAAM KO BATATEN KHUD KE NAAM KO,